اخر الاخبار
الرئيسية / الفهود في الذاكرة / شاعر من مدينتي …. الشاعر عبدالله العامري الخيكاني

شاعر من مدينتي …. الشاعر عبدالله العامري الخيكاني

بقلم : الخاقاني هاتف فيصل الحولاوي

الشاعر عبدالله العامري الخيكاني.. مواليد 1965م.قرية العمايرة ناحية الفهود كتب الشعر الشعبي بألوانه منذ دراسته اﻻبتدائيه وفي صغره كان يجالس اعلام الشعر الشعبي في ناحية الفهود امثال الملا عبود اﻻسدي والشيخ داود السلمان والملا محمد رسن وجبرعلاوي ويتساجلون في الشعر واﻻبوذيه وقد اهتم في حداثة الشعر من. خلال المشاركه في برنامح الشعر الشعبي (ابو ضاري ) كان هو وجودت التميمي وكاظم عبد الجبار وشاكر الخباز وغيرهم يتبادلون القصائد الشعريه. وله اوبريت (سوالف فتنه).في اﻻذاعه العراقية .يشترك في الغناء عبد الصاحب شراد.ووحيده خليل ويديره اﻻخ جودت التميمي من قصائده في تحديث الشعر قصيدة نشرة في جريدة العراق
بعنوان…هم اتعبر….
تعبر يمن فيك ثخين
وتيهت حبك.بلهبة كيض
يتحمس بحرها
تعبر يمن عبرت نفسك للجرف
وتعوف حبك غارج بروجة وهم
يمخر بحرها.
وقصيدة سوالف
فتنه يفتنه هلهلي
بذبال كرمتنا
يفتنه الماي يجري
يروي ديرتنا
كومي وعدلي العبره.
على جاعج والوكت كمره
انفتح مشروع المغيشي
اليسوي مروزنا .خضره
وقصيدة ميونخ. نشرت في مجلة حراس الوطن.اﻻخ كاظم عبد الجبار
عرفتك ريشه تروي جروح
عرفتك دمعه سهرانه
تلجلج للصبح وتفوح
دفعها…المد جزرها ابعد
نبعها الروح من تذكر وطنها وفيه الممتد
يظل مكصد
ومن القصائد. الكلاسيكيه
حجاية غزل
اغزل وجبر مغزلي
ﻻجن الوكت الصافي
لوصوف لو متخلبصه
اعدل وكولن كافي
شوف المصيبه بالبرم
مرفوعه دوم جتافي
خيطي يروح بعجدته
بالمبرم يلف جفه
وله في الاهزوجة قوله عند ما زارالفهود ووجدعشيرة العمايرة منقسمه الى ثلاث مجاميع يقول فسألت عن الحالة فقال لي احدهم ان هناك خلاف على (القطعه) فاتفقت مع عبد الرزاق الخواف وقلت له راح اهوس وانت اجمع.المجاميع. مجموعه وحده.
فقلت..مع البكاء
نشمي اللي يشد لصوابه سكتاوي
ويكص ابهام ملدوغه
ونادر من اخذ حكه
بعدل يتجنب الغوغه
حكيم اللايم اجروحه
وسطه يتبادل الصوغه
( بخيت الشيد بيته ابخيت وﻻ يتناخه اعداه..)
ثم كتب الشعر العربي الحر والعمودي والمغنى.
وهو عضواً في خمسة مؤسسات أدبيه عربيه ودوليه وهو معاون مجلة بوح الشام اﻻدبيه وعضو الواحه الدوليه للفنون واﻻداب له ديوان شعر حسيني وقصائد حسب طلب الرواديد قرر ان لايطبع دواوينه الغزلية.
مماكتبه في الموال
اشجم مره عنك رحت واردود ارد بي خل
ما ريد يشمت عدونا والجمع بي خل
ماعون اخوك انجفه كطرة لبن بي خل
واذكر حليبه الصفه من جنت عاطش تمر
مقبوله منك خصافه لو ردت من تمر
اتروح اﻻيام بينا والليالي تمر
والما تريده عمامه هالجمع بي خل
وله ايضاً
ذكراي ماينسي بالجف ثبت وشمه اله
والطبع ويه الزلم بان بحجي وشمه اله
مثل الورد ما ينعرف اﻻ بلمس وشمه اله
والعفيه تنكال للساقي ولو بالماي
مثل العطيه ﻻتعد واحد وﻻ بالماي
من جان ولمه الهوه.فيين شرع بلماي
ومن صار اله ولمته لف الحبل وشمله
وله ايضاً
دوﻻب دهري يفر طول العمر ويدور
ينسف الباجي علي من صرتي ويدور
البيه محنه جفه والغيري حن ويدور
يطي حليبه الخواله والنسب خل بيه
وانجان واعد وعد خان وبعد خل بيه
لومثل هذا يمرك عالدرب خل بيه
لومن ذهب جعبته لتريدها وي در
يفر بيه الدهر دوﻻب ويدور
كضى كل العزيز وياي ويدور
جفاني البيه محنه اعتقد ويدور
الغيري والرماد يذرعليه
وله في الابوذية:
يقادر هاك مني عتب وده
اشو جنه خويك كطع وده
المحبه موش دين ودفع وده
المحبه الماي من ايده لخيه
وله ايضاً
تكلي اصبر على بردك وﻻ جن
واشوفك بيدك اللاجن وﻻ جن
الغيري انته يبو حميد وﻻ جن
توسع فرت المضمار اليه
على حدي ونضب جودك بﻻ ماي
كتني العطش واعمتلك بﻻ ماي
اثاري بدرب صحراوي بﻻماي
شله والسبل متباعدعليه ….
سكن شاعرنا الكبير ابو خالد مدينة البصرة اكثرمن خمسة عشرسنة ثم عادللناصرية ولازال متواصلا مع ابناء عمومته ومحبيه من مدينته نسال الله ان يحفظه وان يطيل بعمره بصحة وخير وعافيه .

اضف رد

لن يتم نشر البريد الإلكتروني .